22.07.2012 16:07

Úrslit frá Íslandsmóti 2012


 
Úrslit frá Íslandsmóti fullorðinna fyrir Helga frá Stafholti og Kalda frá Meðalfelli var að Kaldi varð í 7. sæti í gæðingaskeiði og Helgi í 4. sæti í slaktaumatölti.
 
Til hamingju með árangurinn. :)
 
 
Hér má sjá mynd af Helga frá Stafholti og knapa hans, hann Snorra Dal á Íslandsmóti fullorðinna 2010.
 


 

20.07.2012 14:57

Íslandsmótið



Kaldi frá Meðalfelli og Helgi frá Stafholti keppa á íslandsmóti fullorðinna sem haldin er um helgina á Vindheimamelum.

Kaldi og Helgi eru í m.a. eigu þeirra Stafholtshjóna og má sjá vefsíðu þeirra hér: http://www.stafholthestar.is/

Kaldi keppir á laugard. í gæðingaskeiði og Helgi keppir einnig á laugard. í slaktaumatölti (T2)

Hér má sjá Kalda frjálsan í haga í Grindavík og á hann þegar nokkur afkvæmi sem eru köstuð í Grindavík og eru í eigu Brimfaxafélaga.


12.07.2012 13:53

Bein útsending frá NM í Eskilstuna





Norðurlandamótið í hestaíþróttum fer fram dagana 2. - 5. ágúst n.k. Svíarnir munu sýna beint á netinu frá keppninni síðustu tvo daga mótsins, þ.e. 4. - 5. ágúst, á vefsíðunni www.nc2012.se.

Íslenska landsliðið er í mótun og verður tilkynnt mánudaginn 16. júlí kl. 16:00. Það er að sjálfsögðu magnað að geta fylgst með okkar fólki í keppni og öllum úrslitum á netinu. 

Hér má sjá kynningarmyndband fyrir norðurlandamótið.


10.07.2012 12:36

Íslandsmót fullorðinna - skráning



Skráning á Íslandsmót fullorðinna á Vindheimamelum.

Skráning hefst þriðjudaginn 10. júlí og  líkur kl: 16:00 fimmtudaginn 12. júlí.

Hægt er að senda skráninguna á tölvupósti á sah@bondi.is.  Þá verður tekið á móti skráningum í gegnum síma 455-7100 milli 13:00 - 16:00 þessa þrjá daga.

Umsjón með skráningu hefur Steinunn Anna Halldórsdóttir.

Skráningargjöld:
Skráningargjald er 5.000 kr fyrir hverja keppnisgrein (hverja skráningu).   
Reikningsnúmer:   1125 - 26 - 1630 kt: 520705-1630
Senda þarf kvittun í tölvupósti á sah@bondi.is
Skýring: Nafn og kt. knapa sem greitt er fyrir.
Greiðslur þurfa að hafa borist fyrir kl: 16:00 fimmtudaginn 12. júlí.
Skráning telst ekki gild fyrr en greiðsla hefur borist.

Við skráningu þarf eftirfarandi að koma fram:
·         Nafn hests og IS númer
·         Hestamannafélag sem keppt er fyrir
·         Keppnisgreinar
·         Hver sé greiðandi, ef það er ekki knapinn sjálfur.

Frekari upplýsingar um Íslandsmót má nálgast á www.horse.is/im2012 
 

04.07.2012 15:40

LM 2012



Kaldi frá Meðalfelli á LM 2012.

 
Brimfaxafélögum gekk vel á landsmóti hestamanna sem fór fram í Reykjavík 25 júní - 1 júlí 2012.
 
Í forkeppni í A-flokki fékk Kaldi frá Meðalfelli 8,32 í einkunn.
 
Í forkeppni í B-flokki fékk Ófelía frá Holtsmúla 8,39 í einkunn.
 
Þess má einnig geta að Kraftur frá Þorlákshöfn sem er í eigu Stefáns Þ. Kristjánssonar keppti í barnaflokki fyrir hestamannafélagið Mána og fékk einkunina 8,10.
 
Til hamingju Brimfaxafélagar með góðan árangur á landsmóti.
 

01.07.2012 21:24

Brimfaxi á setningarathöfn LM


Formaður Brimfaxa ásamt föruneyti voru á setningarathöfn LM 2012.
LM 2012 er fyrsta landsmót sem Brimfaxi tekur þátt í eftir að Brimfaxi varð aðildarfélag LH.



27.06.2012 11:49

Myndir frá Völlunum



Nokkrar myndir frá laugardagskvöldinu á Vigdísarvöllum eru komnar í myndaalbúmið hér á síðunni.

20.06.2012 12:55

Vigdísarvellir

Nú er komið að hinni árlegu ferð okkar á Vigdísarvelli sem er helgina 22.-24.júní.

Lagt verður af stað frá hesthúsahverfinu korter í fjögur (15:45) föstud. 22.júní.

Kveðja, ferðanefnd.

18.06.2012 13:48

Setningarathöfn á landsmóti.

Setningarathöfn landsmóts hestamanna verður fimmtud. 28 júní milli kl. 20:30 -21:30.

Brimfaxi óskar eftir 3-4 félagsmönnum til að taka þátt í hópreiðinni sem hestamannafélögin mynda á setningarathöfninni.

Ekki verða gerðar kröfur um að þeir sem taka þátt í reiðinni verði í félagsbúningi Brimfaxa.

Þeir sem hafa áhuga á að taka þátt, hafið samband við Valgerði í s: 661-2046 (siminn) eða 776-2046 (nova) eða á netfangið hrauni@simnet.is fyrir föstud. 22 júní.

 

18.06.2012 12:00

Félagsbúningur Brimfaxa.

Brimfaxi hefur sent inn til LH útlit á félagsbúningi Brimfaxa.

Félagsbúningur Brimfaxa er:
Svartur jakki með merki félaginu.
Hvít skyrta.
Turkish blátt bindi.
Hvítar reiðbuxur.
Svört stigvél.
Hægt er að fá keypt merki félagsins hjá Jónínu í s: 896-8597.
Kveðja, stjórnin.

 

18.06.2012 09:00

Myndlistasýningin "Hestar"

Bjarni Þór Bjarnason býður hestamönnum á myndlistasýningu sína "Hestar" sem opnuð verður laugard. 23. júní 2012 kl. 13:00-16:00.

Sýningin er í Gallerí List Skipholti 50A. í Reykjavík og stendur til 5. júlí 2012.

14.06.2012 15:00

Litlu folöldin

Litlu folöldin eru byrjuð að líta dagsins ljós í Grindavík.

Þetta fallega brúna merfolald og brúntvístjörnótta hestfolald er í eigu Kára Ölvers. og Elku Mist Kárad.

Það brúntvístjörnótta er undan Sambersyninun Adrían frá Ísólfsskála og Afródítu frá Lambhaga sem er undan Hróðsyninun Nikulás frá Langholtsparti sem er sammæðra honum Markúsi frá Langholtsparti.

09.06.2012 12:35

Beitin opnar

Næstkomandi sunnudag 10.6. kl. 13:00 verður beitarhólfið opnað fyrir félagsmenn og gjaldið pr. hest 3500 á mánuði.

Kveðja, Stjórnin.

09.06.2012 12:16

Ríðum á landsmót

Hestamannafélagið Sóti er að skipuleggja viðburð á LM sem kallast Ríðum á Landsmót.

Hestamannafélagið Sóti er að skipuleggja viðburð á LM sem kallast Ríðum á Landsmót. Hestamannafélögin á stór-höfuðborgarsvæðinu munu taka þátt í þessu með þeim en lagt verður af stað frá Bessastöðum, sunnudaginn 24. júní kl. 11:00. Síðan verða hestamannafélögin sótt í hópinn, eitt af öðru.

Hersingin endar síðar frá Almannadal kl. 15:00 þar sem við ríðum inn á stóra völlinn í Víðidal. Þetta á að vera hestaferða-fílingur, skálmar, hnakktöskur og tilheyrandi.

Þar sem við í Sóta erum svo vel í sveit sett með að hafa hrossin okkar í sumarbeit á Álftanesi þá hvetjum við alla sem eru með hesta á nesinu að koma með okkur í þessa reið. Þetta verður bara gaman.

Sörlafélagar eru hvattir til að taka þátt í þessu og taka daginn frá. Nánari útfærsla verður auglýst þegar nær dregur.

Drög af dagskrá og minnispunktar eru eftirfarandi:

Sunnudagurinn 24. júní

• Fyrst og fremst kynning á Landsmóti

• Lagt af stað frá Bessastöðum kl. 11:00

• Komið í Sörla kl. 13:00 (Sóti, Máni og Brimfaxi)

• Gustur/Andvari kl. 14:00 • Almannadalur kl. 15:00 (Fákur og Hörður)

• Stóri hringvöllurinn – Fákur tekur á móti hópnum með viðhöfn

• Hver félag skipuleggur leiðina til næsta félags t.d. Sörli skipuleggur reiðina frá þeim og yfir til Andvara/Gusts o.s.frv.
• Ekki að ætlast til að félagsmenn ríði í hvítum reiðbuxum heldur er þetta hestaferð og fatnaður við hæfi (t.d. lopapeysa, skálmar, hnakktöskur o.þ.h)
• Reiðskólum á þessu svæði verði boðið að taka þátt í reiðinni
• Gaman væri ef hvert félag byði uppá örlitla hressingu fyrir þátttakendur þegar þeir eru sóttir (þá verður stoppað og t.d. tekið lagið)
• Sjálfsagt er að bjóða bæjarstjórum með í reiðina (eða t.d. bara frá Almannadal)
• Þegar riðið er frá Almannadal þá yrði hvert félag með sinn félagsfána

• Hópstjórar eru ábyrgir fyrir að auglýsa reiðina innan síns félags

• Pálmi bæjarstjóri hefur þegið boð um að ríða með okkur, beðið er svara frá Dorritt – stefnum á að fá lögreglufylgd yfir Engidalinn

• Lagt af stað frá Bessastöðum
• Meðfram Álftanesvegi að Selsgarðsgirðingu. Inn þar og út að sjó

• Meðfram Gálgahrauni

• Gegnum nýja hverfið við Álftanesveg að Engidal

• Framhjá Fjarðarkaupum og í gegnum iðnaðarhverfið

• Yfir ljósin hjá Góu

• Gegnum Urriðakotsland og út á reiðveginn þar

• Á reiðvegi til reiðhallar Sörla
• Ca 12 km

• Þar af ca 3-4 á malbiki
• Steinunn stefnir á prufutúr eitthvert kvöldið í næstu viku :)

Kemur þú ekki örugglega með

• Mikill hugur hjá hinum félögunum

• Það verður bara gaman!

Hestamannafélagið Sóti

09.06.2012 12:00

Vaktir á landsmóti

Vaktir hestamannafélaganna á Landsmóti 2012 eru með sama móti og áður.

Helstu störf á þeim vöktum eru eftirfarandi:

Hliðvarsla

Aðstoð við fótaskoðun

Innkomustjórnun

Upplýsingamiðstöð

Aðstoð á skrifstofu

Ýmis störf á svæði

Aukavaktir

Starfsmenn vaktana skulu hafa náð 18.ára aldri.

Starfsmenn hafa aðgang að mótinu á meðan á vöktum þeirra stendur en fá ekki almennan aðgöngumiða. Einnig má nefna að starfsmönnum er skaffaður matur á meðan á vakt stendur.

Þeir sem hafa áhuga á því að starfa á þessum vöktum eru beðnir um að hafa samband í gegnum netfangið landsmothugrun@gmail.comvið fyrsta tækifæri og gildir þar reglan að fyrstur kemur fyrstur fær.

Mikilvægt er að senda Nafn, kennitölu, nafn hestamannafélags og símanúmer. Mér til aðstoðar í ár verðu Ragna Rós Bjarkadóttir og munum við hafa samband í framhaldinu til þess að finna útúr því hvað hentar hverjum og hvernær.

Þessar vaktir tókust mjög vel á síðasta móti og vonumst við til að sunnlendingar standi sig jafn vel og norðlendingar gerðu á síðasta móti. Koma svo!

Með vissu um góðar undirtektir,

Hugrún Ósk Ólafsdóttir

Mannauðsstjóri Landsmóts hestamanna

 

Flettingar í dag: 369
Gestir í dag: 44
Flettingar í gær: 107
Gestir í gær: 52
Samtals flettingar: 843740
Samtals gestir: 98532
Tölur uppfærðar: 10.12.2018 11:28:34