14.02.2017 11:29

Grímutöltið / stigakeppni

Síðasti skráningardagur á GRÍMUTÖLTIÐ er fimmtudagurinn 16. feb.
Þáttökugjald er 1500 kr. fyrir fullorðna, 1000 kr. í yngri flokka og frítt fyrir polla.

Vetrarleikar Sóta og Brimfaxa er þriggja móta röð þar sem verðlaunað er fyrir hvert mót, auk þess sem keppendur safna stigum úr öllum þremur mótunum og verða stigahæstu knaparnir í hverjum flokki verðlaunaðir á síðasta mótinu.
1 sæti gefur 10 stig
2 sæti gefur 8 stig
o.s.frv...........
Allir keppendur fá 1 stig fyrir að vera með.

09.02.2017 23:47

GRÍMUTÖLT 18. FEB

Fyrsta vetrarmót Sóta og Brimfaxa verður Grímutölt sem haldið verður í reiðhöll Brimfaxa laugardaginn 18 febrúar kl. 14:00.

Skráning er hafin og síðasti skráningardagur er fimmtud. 16. feb.

Keppt verður í öllum flokkum.
Verð er 1500 kr. í eldri flokka, 1000 kr. í yngri flokka og frítt í pollaflokka.

Til að skrá sig farið þið inn á http://skraning.sportfengur.com/
Velja næst: Mót
Næst: Veldu hestamannafélag sem heldur mót
Velja: Sóti
Því næst er sett inn kennitala knapa og í næsta glugga velja fyrir hvaða félag þið keppið. (Brimfaxi eða Sóti)
Næst er sett inn IS númer hests og velja líka fyrir hvaða félag hesturinn keppir.
Næst er valið atburð: Vetrarleikar 1 - Grímutölt
Svo er hakað í hvaða flokk á að keppa:
Flokkar: 
- Pollaflokkur 
- Barnaflokkur 
- Unglingaflokkur 
- Ungmennaflokkur 
- Kvennaflokkur (skráðir undir meira vanir - þ.e.a.s. konur þurfa að skrá sig undir þeim lið) 
- Karlaflokkur  - skráðir undir minna vanir  - þurfa að skrá sig þar) 
- 50 ára og eldri - skráðir undir annað 

Þegar er búið að velja flokk er smellt á "setja í körfu"
Að því loknu kemur til hægri á síðunni "ganga frá greiðslu"
Þá kemur annar valmöguleiki sem þú fyllir inn upplýsingar og smellir því næst á áfram
Smella því næst á "samþykkja skilmála" og svo smella á staðfesta.
Síðan þarf að millifæra í gegnum heimabanka, greiðsluupplýsingar koma þar fram og hvert á að senda skráningarstaðfestingu.

Með bestu kveðju
Mótanefnd Sóta og Brimfaxa.

06.02.2017 13:59

Seinni aðalfundur

Seinni aðalfundur Brimfaxa verður haldin þriðjudaginn 14. febrúar kl. 20:00 í kaffistofu reiðhallarinnar.
Dagskrá:
1. reikningar félagsins
2. Önnur mál.
Kv. Stjórnin

06.02.2017 13:43

Keiluferð

Jæja þá er komið að næsta viðburði hjá okkur Föstudaginn 10. feb. ætlum við í keilu. Við verðum að vita hverjir ætla að koma og þá hvort að foreldrar komi með uppá að vita hverjir þurfa far og hvað þarf að panta margar brautir
Við hvetjum foreldra til að koma með okkur og eiga saman skemmtilegt kvöld.
Það kostar 500 kr á barn og 1500 á fullorðinn. Hugmyndin er að fá braut kl 17 eða 18 jafnvel 19 fer bara eftirhvað er laus.
Við þurfum að vita hvað margir koma í síðastalagi annað kvöld 7. feb.  Skráning og nánari upplýsingar eru hjá Jóhönnu í síma 848-0143

31.01.2017 13:24

Leikja- og spilakvöld í kvöld

Gerðum smá mistök ?? steingleymum að setja inn auglýsingu fyrir leikja og spilakvöldið okkar :-/ .
En það er í dag kl 17-18:30. Þeir sem vilja meiga koma með spil að heiman en annars eigum við spilastokka og yatzy og svo auðvitað skellum við okkur í leiki 
Hlökkum til að sjá ykkur 

24.01.2017 20:37

Aðsent

Í tengslum við WOW Reykjavik International Games 2017 standa Íþróttabandalag Reykjavíkur og Íþrótta- og Ólympíusamband Íslands fyrir tveimur ráðstefnum um íþróttatengd málefni í samstarfi við Háskólann í Reykjavík. Sex erlendir fyrirlesarar munu flytja áhugaverð erindi á ensku.
 
Fyrri ráðstefnan verður 26.janúar kl.17:30-20:30 og ber hún yfirskriftina Lyfjamál í íþróttum. Fjallað verður um hvað íþróttafólk þarf að hafa í huga þegar það neytir fæðubótarefna, þekktur hjólreiðamaður segir frá reynslunni við að falla á lyfjaprófi og rannsóknarblaðamaðurinn sem kom upp um lyfjasvindl Rússa flytur áhugavert erindi.
 
Seinni ráðstefnan fjallar um góða stjórnunarhætti og fer fram 2.febrúar kl.17:30-20:30. Þar munu þrír reyndir stjórnendur úr íþróttahreyfingunni sem koma frá Bandaríkjunum, Bretlandi og Danmörku flytja fræðandi erindi um sína stjórnunarhætti. Öll eiga þau það sameiginlegt að hafa gert miklar breytingar á skipulagi sinna íþróttasambanda og náð mjög góðum árangri í kjölfarið.
 
Verðið á hvora ráðstefnu er 4.900 krónur og er kvöldverður innifalinn. Ef báðar ráðstefnur eru keyptar í einu er verðið 8.900 krónur og fylgir þá með 3.000 króna gjafabréf sem gildir sem greiðsla uppí WOW Northern Lights Run. Hér á heimasíðu leikanna má finna nánari upplýsingar og þar er einnig hægt að skrá sig: http://rig.is/index.php/radstefna. Skráning verður opin þangað til daginn fyrir hvora ráðstefnu nema uppselt verði fyrir þann tíma.
 
Hvetjum ykkur til að kynna ykkur þetta og senda upplýsingar áfram á iðkendur, þjálfara og stjórnarfólk eftir því sem við á eða deila viðburðunum á Facebook síður ykkar.
 

Með kveðju / Best regards
Landssamband Hestamannafélaga | Landsmót
The Icelandic Equestrian Association | Landsmót

www.lhhestar.is | www.landsmot.is  

19.01.2017 14:17

Hestanammi og reiðtygi

Sunnudaginn 22. jan. verður borið á reiðtygi og búið til hestanammi frá kl. 12:30 - 14:30 í reiðhöllinni.
Við verðum með efni fyrir hestanammið og olíu og tuskur til að þrífa reiðtygi.
Kv. æskulýðsdeildin.

16.01.2017 22:03

Dagskrá

Dagskrá 2017 er ekki fullunnin en það sem komið er má finna hér að ofan.
Sett verður tilkynning hér á heimasíðuna þegar allt er tilbúið.

02.01.2017 19:49

Námskeið

Laugardaginn 14. jan 2017 verður eins dags námskeið með Magga Lár í fortamningu, mat og meðhöndlun á unghrossum.
Verð fyrir námskeiðið er 10.000 kr. á mann. Takmarkaður nemendafjöldi verður á námskeiðið og hægt verður að dreifa greiðslu ef menn óska þess.

Reiðnámskeið verður haldið í vetur, Anna Björk Ólafsdóttir mun koma og kenna.
Í boði eru einkatímar, hóptímar (tveir og tveir saman) og einnig verður námskeið í tamningum sem er hópmiðuð.
Áætlað er að námskeiðið byrji um miðjan janúar.

Þeir sem hafa áhuga á að skrá sig á námskeiðin eða fá nánari upplýsingar er bent á að hafa samband við Styrmi í síma 824-2413 eða á netfangið styrmir@fms.is sem fyrst.

31.12.2016 16:08

Íþróttafólk ársins

Kjör íþróttafólks ársins var haldið í Gjánni á gamlársdag 2016.
Rúrik Hreinsson og Valgerður S. Valmundsdóttir voru tilnefnd til kjörs frá Brimfaxa og Jakob Máni Jónsson fékk hvatningaverðlaun.
Allt um kjörið má finna á heimasíðu Grindavíkur eða smella hér:

26.12.2016 22:35

Jóladiskó

Fimmtudaginn 29.12 frá 18:00 20:00 ætlum við í æskulýðadeildinni að hafa smá jólafjör. Hittumst í reiðhöllinni kl 18:00 fáum okkur kakó og smákökur og dönsum svo af okkur skóna

20.12.2016 13:54

Árgjöld

Viljum minna á að hægt verður að dreifa greiðslum fyrir félagsgjöld og fyrir árgjald í reiðhöllina.
Best er að hafa samband við Styrmi í síma 824-2413 eða á netfangið styrmir@fms.is

17.12.2016 21:58

Reiðvegir

Reiðveganefnd Brimfaxa vinnur góðum höndum að bæta íþróttaaðstöðu hestamanna og nýlega samþykkti Grindavíkurbær framkvæmdaleyfi á gerð reiðvegar meðfram Suðurstrandarvegi og einnig hefur reiðveganefnd LH gefið út nýtt kort af reiðvegum í Grindavík.
Grunnur að allri íþróttaiðkun er góð og örugg aðstaða og hestaíþróttamenn í sérstöðu gagnvart öryggi þar sem hestar eru lifandi verur sem eru jafnframt flóttadýr.

Undirlag er mjög mikilvægt og hestamenn eru beðnir um að taka grjót af reiðvegum svo ekki sé hætta á að hestar verði fyrir hófmari eða geta hnotið um og dottið. 
Einnig eru hestamenn beðnir um að taka ef þeir hafa tækifæri á drasl sem er meðfram vegum eða láta vita af drasli, grjóti eða holu svo hægt verði að fjarlægja eða búa betur um.

Flettingar í dag: 206
Gestir í dag: 34
Flettingar í gær: 231
Gestir í gær: 46
Samtals flettingar: 796317
Samtals gestir: 91794
Tölur uppfærðar: 16.8.2018 08:52:07