17.02.2016 21:51

Vinna í höllinni

Það vantar alltaf vinnuafl í reiðhöllina og við hvetjum alla að koma og hjálpa til. Nóg er af verkefnum og allir geta gert eitthvað í höllinni okkar sem er á lokasprettinum.
Kveðja, stjórnin.

14.02.2016 15:07

Öryggisfræðsla í björgunarsveitarhúsinu

Þriðjudaginn 16 feb. kl. 17:00 verður æskulýðsdeildin með fræðslu í björgunarsveitarhúsinu (Seljabót 10) sem varðar öryggi í útreiðum. Otti Rafn Sigmarsson kemur og kynnir 112 appið og fræðir einnig um hin ýmsu öryggismál.
Allir velkomnir.

03.02.2016 11:15

Reiðnámskeið

Reiðnámskeið hefst miðvikudaginn 10 febrúar og verður kennt á miðvikudögum í 6 skipti.
Kennt verður 10 og 17 feb. (24 feb. dettur út) 2, 9, 16 og 23 mars.
Kennt verður í reiðhöllinni hjá Palla og Mundu.
Reiðkennari verður Anna Björk Ólafsdóttir.

Takmarkað pláss og um að gera að panta strax en skráningu lýkur sunnudaginn 7. febrúar.
Börn og unglingar frá 6 - 16 ára sem ekki eiga hesta geta leigt hesta hjá Brimfaxa.
Grindavíkurbær niðurgreiðir barna- og unglinganámskeiðin og Brimfaxi niðurgreiðir akstursgjald kennara fyrir börn, unglinga og fullorðna.
Hópatímar fyrir börn og unglinga eru 50 mínútur.
Tímar fyrir fullorðna er 40 mín. en fyrsti tíminn er 50 mín.

Hópur 1 - Kennsla með leiguhestum
Byrjar kl. 15:00
Verð: 7.500 kr. alls.

Hópur 2 - Börn
Byrjar kl. 16:00
Verð: 5.000 kr. alls.

Hópur 3 - unglingar
Byrjar kl. 17:00
Verð: 5.000 kr. alls.

Fullorðnir:
Kennt verður frá kl 18:00
Verð 48.000 kr. alls.

Skráning fer fram í síma 848-0143.
Greiðsla fer fram við skráningu með að leggja inn á reikning Brimfaxa og senda staðfestingu á netfangið styrmir@fms.is og taka fram nafn þáttakanda.
Reikningsnúmer 0146 - 15 - 250134
Kennitala 530410-2260

20.01.2016 14:56

Þorrareið á sunnudaginn

Sunnudaginn næstkomandi 24. janúar ætlum við að byrja okkar vetrardagskrá á þorrareið. Mæting á horninu hjá Styrmi og lagt af stað klukkan 13:00. Takið svo næstu sunnudaga frá því ætlunin er að hafa fèlagsreiðtúra á sunnudögum klukkan 13:00.
Vonandi sjáum við sem flesta !
Stjórnin.

18.01.2016 17:50

Reiðtygi

Miðvikudaginn 20. janúar kl. 16:30 ætlum við að hittast í hesthúsinu hennar Jóhönnu Harðardóttur og byrja veturinn á að þrífa og bera á reiðtygin okkar.
Klútar og leðurfeiti verða á staðnum.

Kveða, æskulýðsnefnd.

06.01.2016 13:17

Öryggi í hestamennsku

Aldrei er of varlega farið og hestamenn þurfa ætíð að gæta að öryggi manns og hests. VÍS og Landsamband Hestamanna gáfu út bækling um öryggismál í hestamennsku.
Bæklinginn má sjá hér: Öryggi í hestamennsku

19.11.2015 11:50

Endurskinsátak hestamanna

Öryggisnefnd LH beinir því til allra hestamanna að nota endurskin þegar skyggja tekur. Hér er um að ræða ódýrt öryggistæki sem getur bjargað bæði knapa og hesti.
Á facebook síðu endurskinsátaks hestamanna má smá muninn á því hvað bílstjórinn sér, annarsvegar þegar notað er endurskin og hins vegar þegar það er ekki notað.

Kveðja frá Öryggisnefnd LH.

18.11.2015 14:51

Æskulýðsskýrsla 2015

Æskulýðsskýrsla Brimfaxa 2015 eru komin inn á vefsíðu LH.
Skýrsluna má sjá einnig á tenglinum hér til vinstri undir æskulýðsskýrslur.

17.11.2015 11:14

Uppfærsla

Vefsíðan hefur verið uppfærð.
Sjá má nýja stjórn og nefndir hér að ofan undir: Stjórn og nefndir.
Ný félagsgjöld má sjá undir: Um félagið.

16.11.2015 10:23

Aðalfundur í kvöld

Minnum á aðalfundinn í kvöld 16. nóv. kl. 19:30 í Salthúsinu.
Kv, stjórnin.

06.11.2015 15:54

Bigga í ljósmyndatöku

Ljósmyndarinn Christopher K. Kolk kom til Grindavíkur í ljósmyndaferð og hafði samband við Arctic Horses til að fá hest til að ljósmynda ásamt fyrirsætu við Bláa Lónið. Christopher hefur myndað margar stórstjörnur heimsins og valdi hann Biggu frá Borgarnesi sem er í eigu Magnúsar Mána Magnússonar en margir krakkar í Grindavík ættu að kannast við Biggu þar sem hún hefur borið þau á reiðnámskeiðum og alltaf í uppáhaldi hjá öllum.

Myndin hér að ofan er af Biggu og fyrirsætunni við Bláa Lónið í sumar en fleiri myndir af Biggu má finna á heimasíðu hans http://www.christopherkolk.com/

04.11.2015 14:10

Aðalfundurinn í Salthúsinu

Aðalfundur Brimfaxa verður í Salthúsinu þann 16. nóv. kl. 19:30

Venjuleg aðalfundarstörf:

Skýrsla stjórnar
Skýrsla æskulýðsnefndar
Stjórnarkjör
Nefndarkjör
Önnur mál

Kveðja
Stjórnin.

26.10.2015 21:50

Aðalfundur 16.nóv

Aðalfundur Brimfaxa verður haldinn mánudaginn 16. nóvember 2015.
Nánar auglýstur síðar.
Kveðja, stjórnin.

20.10.2015 13:53

Skrifað undir samning

Kæru Brimfaxafélagar.
Þann 17. október 2015 urðu þau tímamót í sögu félagsins að skrifað var undir samning við Grindavíkurbæ um eflingu hestaíþróttarinnar í Grindavík.
Samningi þessum er ætlað að efla samstarf bæjaryfirvalda í Grindavík og Hestamannafélagsins Brimfaxa og tryggja öflugt íþrótta og félagsstarf í Grindavíkurbæ samkvæmt íþróttastefnu Grindavíkur. Er samningnum ætlað að tryggja enn frekar starfsemi Brimfaxa.
Einnig mun Grindavíkurbær gera okkur kleift að reka höllina þannig að hún verði ekki baggi á félaginu eða myllusteinn um háls þeirra sem um stjórnartaumana halda hverju sinni. Það er von okkar sem stóðum að þessum samning fyrir hönd félagsins að þetta verði upphaf  gróskumikillar félagsstarfssemi og stuðli að fjölgun í íþróttinni.
Núna verðum við að leggja hart að okkur við að vinna í höllinni til að geta notið hennar til fulls þegar þar að kemur, og munið að allir geta lagt hönd á plóginn, það verða allir að geta sagt að þeir eigi svo og svo mikið í höllinni.
Kær kveðja
Stjórnin.

 

Flettingar í dag: 369
Gestir í dag: 44
Flettingar í gær: 107
Gestir í gær: 52
Samtals flettingar: 843740
Samtals gestir: 98532
Tölur uppfærðar: 10.12.2018 11:28:34